رؤيتنا
إن كل دكتور أسنان شاطر يتعرف بحجم شغله الحقيقي، وإن الماركتنج الطبي يخرج من سباق الخصومات والتريندات الفاضية لمحتوى بيبني ثقة وبيجيب المريض الصح.
فريق كامل من دكاترة الأسنان · خبرة +20 سنة
محتوى عيادتك لازم يجيب حجوزات
مش لايكات وبس
إحنا Crown، وكالة ماركتنج كل فريقها دكاترة أسنان. بنبني لعيادتك استراتيجية ومحتوى ليه هدف واضح، بيوصل للمريض المناسب لتخصصك، وبيحوّل المشاهدة لحجز.
- عيادات في مصر والسعودية وكندا
- +500 ألف مشاهدة من فيديوهين بس
- +200 عميل محتمل من نفس الفيديوهين
اختار تخصصك، والموقع هيفصّل الرحلة عليك:
قبل ما نتكلم عن الحل
ليه المحتوى اللي بتنزله مش بيرجعلك بحجوزات؟
علّم على اللي بيحصل عندك فعلًا، وشوف المشكلة الحقيقية فين:
مين إحنا
فريق كامل من دكاترة الأسنان
مش مسوّقين بيتعلموا طب
Crown Dental Marketing Agency مكوّنة من فريق كله دكاترة أسنان، بخبرة أكتر من 20 سنة في العيادات وسوق الشغل.
أساس شغلنا إننا بنعمل ماركتنج استراتيجي وكونتنت بلان لدكاترة الأسنان من واقع خبرتنا ومعرفتنا الحقيقية بالمريض والعيادة. بنقترح الأفكار والدايركشن اللي هنمشي عليه حسب المتاح لكل دكتور: ميزانيته، وقته، تخصصه، ومكانه.
أساس شغلنا إننا بنعمل ماركتنج استراتيجي وكونتنت بلان لدكاترة الأسنان من واقع خبرتنا ومعرفتنا الحقيقية بالمريض والعيادة. بنقترح الأفكار والدايركشن اللي هنمشي عليه حسب المتاح لكل دكتور: ميزانيته، وقته، تخصصه، ومكانه.
- بنفهم الحالة اللي بتعرضها، فمفيش معلومة طبية غلط هتطلع باسمك
- عارفين المريض بيفكر إزاي، وبيخاف من إيه، وإيه اللي بيخليه يحجز
- عارفين الفرق بين فيديو بيجيب لايكات وفيديو بيجيب مريض
+20
سنة خبرة للفريق في طب الأسنان
3
دول اشتغلنا مع عيادات فيها
+500K
مشاهدة من فيديوهين بس
+200
عميل محتمل من نفس الفيديوهين
ليه بدأنا Crown
عايزين نغيّر طريقة التسويق اللي كل الدكاترة ماشيين بيها
رسالتنا
بدل ما ننزل محتوى عشان ننزل، كل فيديو عندنا ليه هدف واضح، وجمهور محدد، ورقم بنقيسه. ولما الرقم يتحقق، بنكبر للمرحلة اللي بعدها.
أهدافنا مع كل عيادة
المريض الصح
نوصّلك للتارجت المناسب لتخصصك وأسعارك، مش لأي حد والسلام.
هدف ورا كل فيديو
كل فيديو متصمم لمرحلة في رحلة المريض: يعرفك، يثق فيك، يحجز.
نتيجة بتتقاس
بنتابع المشاهدات والرسايل والحجوزات، وبنعدّل الخطة كل شهر على الأرقام.
نكبر خطوة بخطوة
بنبدأ بالمتاح، ولما الأرقام تثبت بنتوسع للمرحلة اللي بعدها بثقة.
إزاي بنشتغل
رحلتك معانا خطوة بخطوة
من أول ميتنج لحد ما الفيديوهات تنزل وتجيب نتيجة. وبعدين نعيد الدورة كل شهر بشكل أذكى من اللي قبله.
-
ميتنج مجاني
بنقعد معاك أونلاين أو في العيادة، ونناقش وضع العيادة الحالي، والهدف اللي عايز توصله من المحتوى، وكل التفاصيل زي الميزانية المتاحة للماركتنج.
-
استراتيجية وخطة محتوى
بعد الاتفاق بنعملك ماركتنج استراتيجي وخطة لأول شهرين مجانًا. الخطة بتتغير باستمرار حسب النتايج ومؤشرات الأداء اللي بنقيسها، عشان نضمن إننا نتوسع أكتر في كل مرحلة.
-
البروبوزال وموافقتك
بنعرض عليك الخطة والبروبوزال بالتسعير النهائي. ولا خطوة بتبدأ قبل ما توافق.
-
كتابة السكريبتات
فريقنا من الدكاترة بيكتب سكريبتات الشهر كله، وبنحدد سوا يوم التصوير.
-
تصوير محتوى شهر كامل في يوم
لو إنت في القاهرة بنيجي نصوّر بنفسنا. لو في محافظة أو دولة تانية بنديك الدايركشن اللي تصوّر بيه، وبنقترح عليك معدات بسيطة تشتريها. مش محتاج كاميرا احترافية خالص: إضاءة مناسبة وآيفون أكتر من كفاية.
-
مونتاج وتسليم + كونتنت كالندر
بندخل مرحلة المونتاج، ونسلمك الفيديوهات جاهزة للنشر مع كونتنت كالندر واضح: إيه ينزل، إمتى، وليه.
-
نقيس، نعدّل، ونكرر
نراجع الأرقام سوا، ونطوّر الاستراتيجية، ونكرر الدورة كل شهر بشكل أقوى.
خدماتنا
كل اللي عيادتك محتاجاه عشان تتشاف صح
اضغط على أي خدمة وشوف تفاصيلها: بنعمل إيه، مين محتاجها، وهتستلم إيه.
مونتاج ريلز شامل كتابة السكريبت
فيديوهات قصيرة بهدف واضح: توعية، ثقة، أو حجز مباشر.
مش بنمنتج فيديو وخلاص. كل ريل بيبدأ من سكريبت مكتوب بإيد دكتور أسنان، متصمم لمرحلة معينة في رحلة المريض، وبعدين بيتمنتج بالألوان والهوية البصرية بتاعة عيادتك. بنستخدم الذكاء الاصطناعي لما يساعدنا نحكي القصة أبسط ونشد الانتباه أكتر.
- كتابة السكريبت والهوك
- دايركشن وقت التصوير (حضوري أو أونلاين)
- مونتاج بهوية العيادة البصرية
- مشاهد AI وأنيميشن لما الفكرة تحتاج
- كابشن وتايتل للنشر
أي دكتور أو عيادة عايزة محتوى ثابت بيجيب نتيجة.
شوف نماذج الريلز
فيديوهات دينتال موشن ديزاين
حالاتك قبل وبعد في فيديو احترافي يبيّن خبرتك.
بتسلّمنا صور الحالة كاملة قبل وبعد، وإحنا بنختار منها المناسب ونظبطه بالذكاء الاصطناعي من غير أي تغيير نهائيًا في نتيجة شغلك. التحسين بيشمل رفع الجودة، ضبط زاوية التصوير، وتبديل ملامح المريض لو مش موافق يظهر وشه.
- اختيار وتجهيز صور الحالة
- رفع جودة وضبط زوايا بالـ AI
- إخفاء أو تبديل ملامح المريض عند الطلب
- أنيميشن لخطوات العلاج
- نسخة طولية للريلز ونسخة للبوست
دكاترة التجميل والتركيبات والزراعة والتقويم، والطلاب في عرض حالات الـ CCC.
شوف نماذج الموشن
ماركتنج استراتيجي وكونتنت بلان
الخطة اللي بتربط كل فيديو بهدف ومريض ورقم.
بنحلل وضع عيادتك ومنافسينك ونحدد مين المريض اللي عايز توصله، وبعدين نبني خطة محتوى بتمشي على مراحل الفانل التلاتة: يعرفك، يثق فيك، يحجز. الخطة دي مش ورقة بتتحط في درج: بتتراجع كل شهر على الأرقام.
- تحليل العيادة والمنافسين
- تحديد التارجت والرسالة الأساسية
- توزيع المحتوى على مراحل الفانل
- كونتنت كالندر شهري
- مؤشرات أداء نقيس بيها كل شهر
مجانًا لأول شهرين مع أي عيادة بتبدأ معانا.
احجز الميتنج المجاني
ميديا باينج (إعلانات ممولة)
إعلانات بتستهدف المريض الصح بفيديوهات أثبتت إنها شغالة.
بنبدأ أورجانيك الأول. بعد فترة اختبار للمحتوى الأورجانيك بنقيّم المرحلة المناسبة لعمل الإعلانات، ونستهدف بيها التارجت المناسب بالفيديوهات اللي أثبتت نجاحها، فمش بنحرق ميزانيتك في تجارب.
- اختيار الفيديوهات الأقوى من الأورجانيك
- تحديد الجمهور والمنطقة والاهتمامات
- إعداد الحملات ومتابعتها
- تقرير بتكلفة الرسالة والحجز
- تحسين مستمر للميزانية
العيادات اللي عندها محتوى شغال وعايزة تكبّر النتيجة.
اسألنا عن الإعلانات
ويبسايت متكامل للعيادة
موقع يعرض عيادتك وخدماتك ويستقبل الحجز مباشرة.
ويبسايت كامل لعيادتك بيعرض الخدمات وتفاصيل العيادة بشكل احترافي، ومتصمم عشان يحوّل الزائر لحجز: كل صفحة بتجاوب على سؤال في دماغ المريض، وكل زرار بيوصله للحجز في خطوة واحدة. ومعاه لوحة تحكم تعدّل منها بنفسك.
- تصميم بهوية العيادة على الموبايل واللابتوب
- صفحة لكل خدمة وعلاج بأسعار أو بدون
- معرض حالات قبل وبعد وفريق الأطباء
- حجز مباشر بواتساب أو فورم أو مواعيد
- ظهور في جوجل وجوجل ماب (SEO محلي)
- ربط تقييمات جوجل وبيكسل ميتا والأناليتكس
- لوحة تحكم لتعديل المحتوى بنفسك
- عربي وإنجليزي، ودومين واستضافة سريعة
أي عيادة عايزة مكان رسمي يثق فيه المريض ويحجز منه.
عايز ويبسايت لعيادتي
برزنتيشن ثري دي للمحاضرين
للمحاضرين وأصحاب الكورسات والطلاب: محاضرة تتفهم وتتفتكر.
بنحوّل محاضرتك أو عرض الحالة بتاعك لبرزنتيشن ثري دي احترافية: موديلات أسنان ثلاثية الأبعاد، أنيميشن لخطوات الإجراء، وحالاتك متحولة لموشن ديزاين جوه السلايدز. النتيجة محاضرة الحضور بيفهمها من أول مرة وبيصوّرها.
- تصميم هوية بصرية موحدة للكورس
- موديلات وأنيميشن ثري دي للإجراءات
- فيديوهات موشن للحالات جوه السلايدز
- ملف PowerPoint أو Keynote جاهز للعرض
- نسخة فيديو للعرض أونلاين
- تجهيز للمؤتمرات والكورسات ومناقشات الـ CCC
المحاضرين، أصحاب الكورسات، وطلاب الدراسات العليا والامتياز.
شوف نماذج الطلابمعرض الأعمال
شغل حقيقي لعيادات حقيقية
كل فيديو هنا اتعمل بهدف. اضغط على أي فيديو وشوف إحنا عملناه ليه وحقق إيه.
أرقام مش كلام
نتايج حققناها مع عيادات اشتغلنا معاها
سكرين شوت من إحصائيات حقيقية. اضغط على أي صورة عشان تكبّرها.
العرض
كل اللي بتاخده لما تبدأ معانا
مش بنبيعلك فيديوهات. بنبنيلك نظام محتوى بيشتغل كل شهر، وإنت مركز في عيادتك.
- ميتنج تشخيص كامل للعيادةنفهم وضعك، هدفك، وميزانيتك مجانًا
- ماركتنج استراتيجي لعيادتكتارجت، رسالة، وزاوية تميّزك عن المنافسين مجانًا أول شهرين
- خطة محتوى وكونتنت كالندرإيه ينزل، إمتى، وليه مجانًا أول شهرين
- سكريبتات مكتوبة بإيد دكاترة أسنانمفيش معلومة طبية غلط باسمك
- يوم تصوير واحد لمحتوى الشهر كلهأو دايركشن أونلاين لو برا القاهرة
- مونتاج بهوية عيادتك البصريةألوانك، خطوطك، وأسلوبك
- قياس شهري وتعديل مستمر للخطةالأرقام هي اللي بتوجّه الشهر الجاي
- لوحة متابعة خاصة بعيادتكتشوف فيها الخطة والسكريبتات والفيديوهات والأرقام، وتوافق بضغطة حصري
ضماننا ليك
ولا سكريبت بيتصوّر قبل ما توافق عليه، ولا فيديو بيتسلّم وإنت مش راضي عنه: التعديلات علينا لحد ما توافق.
بنشتغل مع عدد محدود من العيادات في نفس الوقت عشان كل عيادة تاخد حقها في التركيز. لما الأماكن تتملى بنفتح قائمة انتظار.
احجز مكانك في الميتنج المجانيعلى مقاسك
ابني باقتك حسب ميزانيتك
حرّك الميزانية وإحنا نقولك تقدر تاخد إيه، أو اختار الخدمات بنفسك.
العيادة فين؟
العملة
تقدر تاخد:
الميزانية دي تكفي نبدأ باستشارة وخطة. احجز الميتنج المجاني ونشوف أنسب بداية.
الإجمالي التقديري0
ده تقدير مبدئي. السعر النهائي بيتحدد في البروبوزال بعد الميتنج المجاني.
ابعتلي الباقة ديأسئلة شائعة
أكيد في دماغك سؤال من دول
لازم أكون في القاهرة عشان أشتغل معاكم؟
لأ خالص. لو في القاهرة بنيجي نصوّر بنفسنا، ولو في محافظة تانية أو دولة تانية بنديك الدايركشن خطوة بخطوة أونلاين وقت التصوير. اشتغلنا بالطريقة دي مع عيادات في السعودية وكندا.
محتاج كاميرا احترافية؟
لأ. إضاءة مناسبة وآيفون أكتر من كفاية، وإحنا بنرشّحلك المعدات البسيطة اللي تشتريها لو محتاج.
الاستراتيجية والخطة مجانًا فعلًا؟
أيوه. بعد ما نتفق في الميتنج، بنعملك الماركتنج استراتيجي وخطة المحتوى لأول شهرين مجانًا، وبتدفع بس على الإنتاج (السكريبتات والتصوير والمونتاج).
مين بيكتب المعلومة الطبية في الفيديو؟
فريقنا كله دكاترة أسنان، فالسكريبت بيتكتب بلغة المريض البسيطة من غير ما يخسر الدقة الطبية. وفي الآخر إنت بتراجعه وتوافق عليه قبل التصوير.
المريض مش عايز يظهر وشه. ينفع نعرض الحالة؟
ينفع. في فيديوهات الدينتال موشن بنقدر نبدّل ملامح المريض بالذكاء الاصطناعي، من غير أي تغيير نهائيًا في الأسنان أو نتيجة شغلك.
هتبدأوا إعلانات من أول يوم؟
لأ. بنبدأ أورجانيك الأول، ونختبر المحتوى، ولما نعرف إيه اللي شغال بنحط عليه ميزانية إعلانات. كده فلوسك بتروح على حاجة مجرّبة.
إمتى هشوف نتيجة؟
أول إشارات بتبان في أول شهر: مشاهدات، تفاعل، ورسايل من النوع الصح. بنقيس كل ده ونعدّل الخطة شهر بشهر، وكل مرحلة بنبني على اللي قبلها.
ينفع آخد خدمة واحدة بس؟
أكيد. تقدر تاخد مونتاج ريلز بس، أو موشن ديزاين، أو ويبسايت، أو برزنتيشن. جرّب «ابني باقتك» فوق وشوف التقدير.
آخر محطة في الرحلة
احجز الميتنج المجاني دلوقتي
سيب بياناتك وهنكلمك نحدد معاد. في الميتنج هنفهم وضع عيادتك ونقولك بصراحة إيه أنسب بداية ليك، حتى لو مش معانا.
- 1تبعتلنا بياناتك
- 2نكلمك ونحدد معاد الميتنج
- 3تستلم الاستراتيجية والخطة